నా ఇమేజ్‌ని నిర్మాతలు క్యాష్‌ చేసుకుంటున్నప్పుడు.. నాకున్న డిమాండ్‌ని నేను క్యాష్‌ చేసుకుంటే తప్పేంటి.? అని ప్రశ్నిస్తోంది అడల్ట్‌ సినిమాల్లోంచి మెయిన్‌ స్ట్రీమ్‌ సినిమాల్లోకొచ్చిన బాలీవుడ్‌ లేటెస్ట్‌ అండ్‌ హాటెస్ట్‌ బ్యూటీ సన్నీలియోన్‌. ప్రస్తుతం కోటికి పైనే పలుకుతోంది సన్నీలియోన్‌ రెమ్యునరేషన్‌. కొందరు రెండు కోట్లు కూడా ఇచ్చి సన్నీలియోన్‌ని తమ సినిమాల్లో బుక్‌ చేసుకుంటున్నారు. సన్నీలియోన్‌కి తెలుగులో ‘కరెంటు తీగ’ సినిమా కోసం 75 లక్షలు చెల్లించినట్లు ఆ సినిమా హీరో మంచు మనోజ్‌ ఓ సందర్భంలో చెప్పేశాడు. అయితే ప్రస్తుతం సన్నీలియోన్‌ 3 కోట్ల దాకా డిమాండ్‌ చేస్తోందన్నది బాలీవుడ్‌లో విన్పిస్తోన్న తాజా గాసిప్‌. రెమ్యునరేషన్‌ గురించి తనపై వస్తున్న గాసిప్స్‌లో ఎంతో కొంత నిజం లేకపోలేదంటోంది సన్నీలియోన్‌. ‘నా డిమాండ్‌ని నేను క్యాష్‌ చేసుకుంటాను.. నాకేమీ ఊరికే ఇవ్వడంలేదు కదా.. చాలా కష్టపడ్తున్నాను..’ అంటున్న సన్నీలియోన్‌, ఇదే జోరు కొనసాగితే 5 కోట్లు తీసుకునే స్థాయికి ఎదిగే అవకాశమూ వుందని కాన్ఫిడెంట్‌గా చెప్తుండడం గమనార్హం. తాజాగా ‘కుచ్‌ కుచ్‌ లోచా హై’ సినిమా ట్రైలర్‌లో సన్నీలియోన్‌ ఓ రేంజ్‌లో గ్లామర్‌ ఒలకబోసేసింది. సినిమా ప్రమోషన్‌కి సహకరిస్తుండడం, సన్నీలియోన్‌ సినిమాలకు మినిమమ్‌ గ్యారంటీ వుండటం వెరసి, ఆమె కాస్సేపు తమ సినిమాలో కన్పించినా చాలనుకుంటున్నారు బాలీవుడ్‌ దర్శక నిర్మాతలు. అందుకే రెమ్యునరేషన్‌ విషయంలో రోజురోజుకీ హైక్‌ కన్పిస్తోంది సన్నీలియోన్‌కి.
Tags: Sunny Leone, Telugu News, Bollywood Movie, karentu theega telugu movie news.
